பல்லக்கு பாவை

-

 


பல்லக்கில் மினுங்கும்

பார்வையில் சிணுங்கும்

பாவை தானவளாம்


சந்ததி சொல்லும்

சந்திர பொலிவும்

சுந்தர புன்னகையாம்


தேன்தனில் திளைத்த

சௌந்தர்ய நாணம்

அவளின் அணிகலனாம்


பூமாலை எல்லாம்

பாமாலை ஆக்கும்

அவளின் மேலங்கமாம்


மாதுளை வண்ணமும்

மதுவின் கிண்ணமும்

மாதவளின் கன்னங்களாம்


பவள பளிங்கும்

பனைமர கள்ளும்

மோகன மேனியின் உவமைகளாம்


முள்ளிலே மலர்ந்திட்டாய்

சொல்லிலே மலைத்திட்டாய்

மழலையாய் மனதை சொல்


ஊடுகதிர் நீயடி

ஊடுருவுவதேனடி

உன்னவனின் ஊனின் உள்


தங்கம் தலைகுனிய

தலைகுனிந்து நடமாடும்

தலைவி நீயல்லவா


தலைவிக்கு துணையாக

தரணியில் தோண்றிற்ற

தலைவன் நானல்லவா ...

Comments

Post a Comment

Popular posts from this blog

கவிப்பெண்

-
Image
Tamil kavithai - கவிப்பெண் வெளியில் இறங்கி நீ வர ... மேகமொன்று கவிமழையை உன்மேல் வாசிக்க தொடங்கிற்று ... கவியின் எதுகை உன் கையையும் மோனை உன் முந்தானையையும் நனைத்திருந்தது... உன் காதணியில் பட்டு தெரித்துக்கொண்டிருந்தது அணி ஒன்று ... உன் நெற்றியில் விழுந்த உருபுகள் வெவ்வேறாக பிரிந்து நீந்தி கொண்டிருக்கிறது உன் மாரிலே... ஈறில்லா சிகையிலே ஈரமாய் சொட்டுகிறது ஈரசைசீர் ஒன்று ... உன் இதழிலே இயல் இசையமைத்து நடனம் ஆடிக்கொண்டிருக்கிறது ... இறுதியாக நீ உடை பிழிகையில் கவிநடை வழிந்தோடியது .. இதை பார்த்து நிற்கும் எனக்கு ஒரு சந்தேகம்... துளி துளியாய் நனைந்திருப்பதால்-உனை துளிப்பா என்பதா ? நீ ஆறடி மழையாதலால் உனை வெண்பா என்பதா... ---Arshad---  
Read more

மழை

-
Image
                                               Tamil kavithai-மழை இங்கு எல்லோரும் வெயிலுக்காக காத்திருக்க நானும் காத்திருக்கிறேன் என்னை கடக்கும் ஒரு குயிலுக்காக
Read more

மூக்கும் முழியும்

-
Image
  Tamil kavithai - மூக்கும் முழியும் சிலையின் கலையும் வதனத்தில் பொழியும் சிங்கார சித்திரம் சித்தத்தில் நிலையும் மஞ்சத்தின் பாவனை நெஞ்சத்தில் குழையும் செந்நெல்லின் கூர்மை வெண்விழியில் அழியும் முரடனை வெல்லும் மூக்கும் முழியும் இருதய உள்ளல் விழிகளில் விளையும் ஊடல் பொழுதில் வார்த்தைகள் தொலையும் மாலை நேர மகர கண்ணில மதுரம் சொட்ட கவிதை வழியும் நெஞ்சம் கொஞ்சம் மஞ்சம் கெஞ்சும் ஆசை மோதலில் இன்பமே மிஞ்சும் எஞ்சும் வாழ்வில் தஞ்சம் என்னோடென்றாயின் நேருமா வாழ்வில் அன்பு பஞ்சம்..
Read more